JUGENDSTIMMEN-FORUM

17. Juni 2026 — Kulturhaus Kopstal - Pflichteinschreibung

BILDUNG FIR HANDLUNGSFÄEGKEET:
JUGEND AM MËTTELPUNKT VUN ENGER DEMOKRATESCHER ERNEIERUNG

Intergenerationellen Dialog & Kollektiv Intelligenz
Héiert direkt vu jonke Leit, wéi hir Erfarunge mat Participatioun, Ausgrenzung a biergerlechem Engagement an hir Hoffnungen op eng demokratesch Erneierung ausgesinn. Dës interaktiv Diskussioun invitéiert de Public, Suppositiounen a Fro ze stellen, systemesch Barriären z'erkennen a konkret Méiglechkeeten z'erfuersche fir Demokratien opzebauen, an deene jonk Leit net nëmme vertruede sinn — mee wou se wierklech befäegt ginn déi Entscheedungen ze formen déi hiert Liewe definéieren.

Jonk Vertrieder:innen

Luca N. Roettgens – Präsident & Alessio Paccioti (CNEL)
Mattia Paganotti (Europe in Action)
Julien Lemmer-Veloso – Vizepräsident des Jugendparlaments
Elisabeth – Jonk Ambassadrice fir UNICEF Lëtzebuerg

Moderatioun

Jérémie Pascal (Europa in Aktion)
Elodie Cai (onofhängeg)

Simultan Iwwersetzung
Assuréiert vu SIMI (ASTI) – Reservatioun erfuerderlech !!!
Lëtzebuergesch → Englesch & Franséisch
Englesch → Franséisch

***

BESCHREIWUNG
Wat, wann d’Demokratie duerch d'Deele vun Entscheedungsmuecht mat jonke Mënschen net geschwächt, mee am Géigendeel gestäerkt gëtt?

Iwwerall uechter Welt stinn demokratesch Systemer virun enger Kris vu Vertrauen, Participatioun a Virstellungskraaft. Ze dacks gëtt vu jonke Leit verlaangt ze waarden: dorop fir ze wielen, fir ze decidéieren, fir ze zielen. Dobäi liewen si schonn haut mat de Konsequenze vu politeschen Decisiounen — vum Klimawandel iwwer digital Transformatioun bis hin zu Bildung, Ongläichheet, Konflikt a mentaler Gesondheet. Wéi kann eng Demokratie glaafwierdeg bleiwen, wann déi déi am meeschte betraff sinn systematesch doru gehënnert ginn se matzegestalten?

Dëse Forum invitéiert eis, Demokratie nei ze denken — net als System vun isoléierter Onofhängegkeet, mee op Basis vu Bezéiungen, géigesäiteger Ofhängegkeet an enger tëscht de Generatioune gedeelter Verantwortung. De Mythos vum „komplett onofhängege Bierger“ huet ze dacks dozou gedéngt, Kanner a jonk Leit aus dem demokratesche Liewen auszeschléissen. Mee Participatioun entsteet net op eemol am Erwuessenenalter. Handlungsfäegkeet muss duerch Praxis geléiert ginn.

Jonk Leit als legitim politesch Acteuren unzëerkennen ass net nëmme symbolesch — et ass eng demokratesch Noutwennegkeet an e staarkt Géigemëttel géint Autoritarismus. Wa jonk Leit spieren, datt hir Stëmm zielt, entwéckele si e méi staarkt Gefill vun Zougehéieregkeet, Verantwortung an Hoffnung. Biergerbedeelegung ka Gefiller vu Muechtlosegkeet a Solastalgie (Emwelt-Angscht) reduzéieren an e laangfristegen demokrateschen Engagement fërderen. Dogéint kënne Jore vun opgezwongenem Mondhalen zu Désengagement, Mësstrauen a Sympathie fir vereinfacht autoritär Narrativer féieren.

Wéi kënnen also Schoulen, Institutiounen a Gesellschaften de Schrëtt maache vun enger Erzéiung zum Gehorsam hin zu enger Erzéiung zuer Handlungsfäegkeet? Wéi géif Demokratie ausgesi wa jonk Leit net nëmme consultéiert, mee carrément mat abezu géife gi bei Entscheedungen déi si betreffen?

Dës oppen Diskussioun, geleet vu jonke Stëmmen, wäert ënnersiche wéi demokratesch Participatioun, kritesch digital Kompetenzen an déi reell Ausübung vu Rechter déi jonk Generatiounen befäege kënnen, Matschëpfer vun eiser gemeinsamer Zukunft ze ginn. Duerch konkret Erfarungen, couragéiert Froen an en Dialog tëscht Generatiounen ginn d’Participanten invitéiert, sech eng aner Demokratie virzestellen: méi inklusiv, méi partizipativ a méi lieweg.

Praktesch Informatiounen

📍 Plaz
Kulturhaus Kopstal
6, rue de Mersch
L-8181 Kopstal

Sproochen
Lëtzebuergesch / Englesch

🕒 Programm